Victory Boys Senior Women

Victory Boys ta bai kuminsá su tim di senior futbòl femenino
Sport Vereniging Victory Boys (Victory Boys) ta dal su siguiente stap den su kampaña ‘‘Welcome to the Revolution’, i ta kuminsá ku su tim di futbol femenino, kategoria senior.

E reto aki ta un parti importante pa e klup ku ke introdusí futbòl femenino komo un pilar importante den su organisashon.

Bon Bini na e Revolushon

E reto aki ta marka un fase nobo den e kampaña kaminda Victory Boys a pone un meta pa revolushona e futbòl di Kòrsou, kaminda un kultura deportivo nobo ta wordu introdusí, basá riba rèspèt, igualdat i oportunidat pa tur hungadó, fanátiko I ‘stakeholders’ pa asina traha riba e futuro di futbòl na Kòrsou. E klup tin e ambishon pa bira e ‘blueprint’ di un klup moderno i ambisioso den Karibe. E tim femenino ta alsa e meta aki. E ‘focus’ pa e tim femenino lo ta pa krea oportunidat igual pa hungadónan femenino i yudanan desaroyá riba vèlt i tambe pafo di vèlt komo ‘Women in Football.’

Igualdat

Victory Boys lo ta e promé klup na Kòrsou ku ta introdusí igualdat komo un pilar den su organisashon. Ku esaki no solamente ke empoderá e posishon di e deportista femenino, pero tambe duna un señal na nos komunidat ku oportunidat i rèspèt mester ta algu sentral den nos futbòl.

“Futbòl ta mas ku solamente un deporte; eta un plataforma pa oportunidat, unidat i desaroyo”,  Presidente Hassnah Elhage a deklará. “Pa muchu largu,e futbòl femenino no por a desaroyá mes un lihé ku sobra di mundu i asta sobrá di nos region. Nos a wak hopi hungadó  talentoso stòp di hunga bala pa e motibu ariba menshoná. Dor di introdusí e prinsipio di igualdat den nos kampaña pa Revolushona futbòl lokal, nos ta dal un stap importante pa hasi e deporte na Kòrsou mas inklusivo.”

Yamada pa hungadó femenino 16+
Tur hungadó ambisioso di 16 aña òf mas ta invitá pa forma parti den e trayekto históriko aki. Bo por registrá fasilmente via:
🌐 www.svvictoryboys.com/v1
📲 of via e retonan sosial di Victory Boys.

Pa komunidat i partner
Ku e fundashon di e tim femenino, Victory Boys no ta solamente invertí den prestashonnan deportivamente, sino tambe den komunidat. E proyekto ta krea modelonan nobo pa mucha muhé hóbenan i ta habri oportunidat pa kolaborashon ku sponsor ku ke kompartí ku igualdat i progreso sosial.

Pa mas informashon por tuma kontakto:
📧 direktiva@svvictoryboys.com
🌐 www.svvictoryboys.com/v1

Bin pasa un mainta yen di aktividat i sera konosí ku nos ‘coach’nan hubenil!

Si bo ta un hungadó akitvo òf bo ke purba futbòl pa prome biaha, bo ta bon biní! Aparte di e futbòl, lo tin ‘snaks’ i diferente aktividatnan. Bin djòin SV Victory Boys i bira parti di e komunidat di futbòl na Santa Rosa. Registrá via e ‘link’ i sigurá bo lugá!

Nos ta warda bo!